Christmas Non-Wishlist

 

Yaman din lamang na malapit na ang Pasko at marami na ang nagkukumahog mamili ng regalo, naisipan  kong mag-conduct ng isang masusi at komprehensibong “survey” sa TATLO kong friends. Hindi tungkol sa kung anu-ano ang gusto nilang matanggap for Christmas. Corny yun e. Tinanong ko sila kung anu-ano ang AYAW nilang matanggap na regalo sa Pasko.

 

 

Produkto ito ng pawis, pagod at madugong pananaliksik at diskusyon. Marami ang maaaring hindi sumang-ayon sa resulta ng ”survey”. Sila yung malamang mag-deny ng kanilang madilim at kagimbal-gimbal na gift-giving past…Or sila yung magtatapon ng mga naibalot nang pang-regalo ngayong Pasko.

 

 

Warning: Pag nakatanggap kayo ng isa sa mga sumusunod, hudyat yun na sa dinami-dami ng friends nung nagbigay, kabilang kayo sa “Others” list nila. Either yun or nag-evolve at umunlad na ang sibilisasyon ng sangkatauhan, hindi pa rin nag-eevolve ang taste nila.

 

 

20. Medyas

  

In fairness, may gamit. Pero malamang sa malamang, may pambili naman ng ganito yung pagbibigyan mo. You can do better than that. 

  

 

 

 

19. Payong

 

 

Lalo na yung may tatak ng banko o establishment.

 

  

 

18. CD

 

Please lang, yung orig naman. Wag yung nabibili sa Baclaran na finotocopy lang ang cover. Magagalit si Ronnie Ricketts ng OMB nyan. Ronnie Ricketts…ka-level ni Sunshine Dizon…Eeew.

 

 

17. Gift Certificate

 

 

Na magagamit lang for every single receipt purchase worth P3,000. Abonado ka pa. O di kaya yung magagamit mo lang sa ka-isa-isa nilang branch sa Tuguegarao. Maawa naman.

 

  

16. Manipis na T-shirt na may tatak ng business or kandidato

 

Walang kapatawaran ito. Kahit pang-jogging o pambahay, may kahihiyang kaakibat ang pagsusuot neto.

 

 

 

15.      “Good morning” towel

 

I think hindi magiging good ang morning pag ito ang tumambad sa harapan mo. Vintage mang matuturingan, di tumataas ang re-sale value nito. Bakit? Dahil tatlong labahan lang, magninisnis na ‘to. Not to mention na see-through pa pag natapatan ng araw.

 

 

 

 

14.      So-en panty na may burdang bulaklak sa gitna.

 

Kahit isang box of assorted colors pa…

 

 

 

13.      Sample ng pabango

 

Ito yung mga giveaway pag bumibili ng bote ng pabango. Karaniwan din itong matatagpuan sa pasalubong ng mga balikbayan.

 

 

 

12.      Transformers na suklay at salamin

 

80s na 80s ang dating ng regalo. Ternuhan mo na rin ng Bazooka at White Rabbit pati Game ‘n Watch kung may mahahanap ka pa.

 

  

11.      Mug o baso

 

Malamang sa malamang, pang-73 na mug na yan ng pagbibigyan mo.

At unfortunately, hindi siya nangongolekta ng mugs.

 

 

10.      Photo album

 

           Self-explanatory…

 

 

 

9.        Kandila

 

Kung natuwa ang pinagbigyan mo nito, pinaplastik ka lang niya.

 

 

 

8.        Paper weight

 

           Nakakainis.

 

 

 

7.        Face towel na may burda ng pangalan

 

Lalo na kung mali ang spelling…or pangalan ng iba – meaning, ni-recycle.

 

 

6.        Picture frame

 

Sa halip na “Merry Christmas”, dapat ang nakasulat sa gift tag mo ay “Sorry, wala na akong maisip.”

 

 

 

5.        Kalendaryo

 

Katanggap-tanggap lang ito kung babaeng sexy ang nasa picture at manyakis yung pagbibigyan mo.

 

 

4.        Keychain

 

Gaano ba karami ang susi sa mundo at parang di matapos-tapos ang pagmamanufacture ng mga keychain?! Paki-explain please.

 

 

3.        Figurine / snow globe/ taga-ipon ng alikabok

 

Unless nangongolekta yung pagreregaluhan mo, walang sense, walang use, walang may gusto.

 

 

 

2.        Card

 

            Lugi.

 

 

1.        Fruitcake

 

May theory kami ni Mother Earth na sa buong Metro Manila, APAT lang talaga ang fruitcake. Umiikot-ikot lang ito tuwing Pasko kapag nirerecycle ng mga tao. 

 

 

(pics from google)