Provinciated’s Christmas

Taon-taon, may theme ang Christmas party ng side ni Mother Earth. Buti na lang at game na game ang lahat ng kamag-anak ko. At this year, KIDDIE / BONDYING ang tema namin. Kaya eto mga itsura namin…

Syempre ang decors, pambagets din.

–

Ang cute ni Atekupungsingsing!

–

Naaalala niyo ba si Gagay? O sige, wag na si Gagay, si Bebang na lang. 🙂

Games Galore din kami! Karamihan, traditional children’s party games din na nilagyan lang namin ng twist.

Game 1: HOTDOG-EATING CONTEST

Bawat contestant, binigyan ng tig-5 inihaw na hotdog. Ang unang makaubos, winner!

Pero, bibig lang ang gagamitin.

At kapag dalawang hotdog na lang ang natira, kung kailan kailangang-kailangan mo na, bawal na uminom ng tubig!!! Bahala ka na mahirinan…hehe 😛

Ang napanalunan, cash prize courtesy of our sponsors (titos, titas and cousins).

Game 2: TRIP TO JERUSALEM

Para sa mga bata, yung normal style lang ang ginawa namin. Except na stools ang mga upuan pero mas challenging umakyat para makaupo.

Pero sa mga matatanda, naka-blindfold. Pasasayawin sila. At habang sumasayaw, nililipat ng game master kung saan-saan ang upuan. Pagtigil ng music, kanya-kanyang hanapan ng upuan!!!

Sorry, wala akong pic. Kasali kasi ako e. 🙂

Game 3: PASAHAN LUSUTAN

3 teams of 5. Lahat may tig-iisang stick na nakaipit sa bibig. Ipapasok sa butas ng cd at pipiliting ipasa sa susunod na tao. Unang makatapos ng relay wins!

Laki ng pamilya namin noh?

–

Game 4: PABITIN

Wala nabg twist ‘toh. Rambol na lang. Si ate tuwang tuwa sa paghila ng tali.

Lahat kami nagkagulo. Pagkatapos mag-agawan, may napigtas ang bracelet, may nahulugan ng kwintas….Si E3, nawalan ng sapatos!!!

Award!

May iba pa kaming games pero wala na kong pics kasi sinalihan ko na lahat. Hehe 🙂

Anyway, after ng laro, EXCHANGE GIFT TIME NA!!! White elephant gifts ang bitbit namin. Ang tema- SOMETHING BIG! Kaya eto, napuno ang sala ng bahay namin ng regalo.

Ang nakuha ni Father Thunder, malaking lata ng Pink Lemonade.

Si Atekupungsingsing, 48 rolls ng toilet paper. At ako, nag-steal…ng giant pack ng detergent at Downy! Maka-menos man lang sa groceries. 🙂

P’s Christmas

Ang saya ng Christmas Party kahit may isa kaming na-miss na “life of the party”. Ok lang, alam kong kasama namin si Mother Earth dun, at nagsabi yun sakin ng “Very good. Gusto ko rin yang detergent at Downy.” 😉