Kung ang mudra ni P ay over-the-top, ang mga magulang ko naman ay mga “nega”. Simula nung bata pa ako, feel na feel ko na ang pagka-bilib sa akin ng mga magulang ko. Para sa kanila, ako ang pinakamaganda at matalinong nilalang sa balat ng lupa.
Grade School
(Naka-cast ang kanang braso ko dahil nabalian ako)
D: Mommy, pinapasali ako ng adviser ko sa singing contest.
Negamom: Ha? Narinig ka na ba ng teacher mong kumanta?
D: Oo kaya nga ako pinasali eh.
Negamom: Tancha ko hindi anak. Naka-cast ka kasi.
Kantahin mo yung “Di kita malilimutan”
para mas nakakaawa dating mo.
I love you, mommy
———————–
(Uso ang one-length hairstyle)
D: Mommy, puwede mo ipa-one length buhok ko?
Negamom: Ha? Hindi puwede.
Ang lapad lapad ng noo mo parang landingan ng eroplano.
Tara, punta tayo parlor at papatakpan natin yang noo mo)
Solution ni mommy, pinashaggy ang bangs ko. I love you again, mommy
———————–
High School
D: Mommy, pinapasali ako sa pageant sa school.
Negamom: Ha? bakit? Di ka naman kagandahan
Anak mo ba talaga ako, mommy?
———————————
(Nung Third Year High School ako, jubis ako, mga 150 lbs. Isang araw, hinatid ako ni Negamom sa bahay ni Mommy Fleur for a sleepover. Pag-dating namin condo, pumunta si mother sa room ni Fleur at tiningnan ang kama. )
Negamom: Fleur, sigurado ka bang okay lang matulog dito anak ko?
Fleur: Oo naman, Tita. Bakit naman hindi.
Negamom: Sa laki ng anak ko, di ata siya kasya sa higaan mo.
May pagmamahal ka pa ba sakin, mommy?
———————————————–
[After college graduation]
D: Daddy, magtratrabaho na ako, san kaya okay mag-apply?
Negadad: Bakit ka magtratrabaho? Eh wala ka ngang alam!
Daddy, nakapag-graduate na po ako…bagay talaga kayo ni mommy.
———————————————–
Law School
[Mejo mataas ang grades ko nung law school kaya nung graduation, umakyat parents ko sa stage habang sinabitan ako ng medal. Di ata nila alam kung bakit sila umakyat kasi nung lumabas ang results ng bar …]
Negadad: [kausap ang friend ko]
Jemma, di ako makapinawalang nakapasa anak ko sa bar.
Ninerbyos ako… siguro kilala niya yung examiner.
Jemma: Bakit ka ninerbyos Tito, eh di ba may award naman si D nung nag-graduate.
Negadad: Ha, may award si D?
[pag-uwi sa bahay]
Negadad: Anak, may award ka nung graduation? Bakit di mo sakin sinabi?
Me: Opo, umakyat pa nga kayo ni Mommy sa stage.
[Dating si Mommy at narinig kaming nag-uusap…]
Negamom: Ha?? May award ka ba nun? Congrats anak!!
Hay, bakit kaya siya umakyat ngstage? Di kaya sila nagtaka nung panahong yun?
———————————————–
Ngayong na-realize na nila na may ibubuga naman pala ako kahit papaano, ganito na sila pagpinapakilala ako sa mga kaibigan nila:
Negadad: Oy, eto pala anak kong abogada.
Pare, eto yung sinasabi kong anak kong nakapasa sa bar.
Papakilalala ko sa ‘yo anak kong attorney.
Ang mommy naman, hindi masyadong nagpapakilala, pero nagpagawa siya ng sign para sa bahay nya sa probinsya ng “ATTY. D” at bumili ng frame na may…
Patay!
———————————————-
So ang ending, proud naman sakin sina mommy at daddy dahil:
1. Di nila akalaing papasa ako ng abogasya…
2. Kahit di ako talented…
3. Kahit di ako sexy…
4. At kahit di ako maganda.
Wow, thank you.
Love you, Daddy and Mommy…. Kahit nega kayo 😆
(Pics from google)
Mommy ko nga naka graduate na ako at lahat hindi parin alam kung ano course ko eh. (-_-)
bwahahahaha! Di kaya magkamaganak magulang natin?!?! 😉
Ang sweet naman nung last part :’)
sweet naman pero mas nakakahiya hahaha! 🙂
Pwede magpa-meet and greet sina Negamom and Negadad? 😀
huwag! baka i-nega ka at mahiya ako ng todo hahaha!
Ang bongga naman pala ng achievements mo, D! Ikaw na talaga! Ganyan ganyan lang ang mga magulang mo pero deep inside of them super proud na proud yan sau! 🙂
bwahahaha! eh kung sabihan ka na di ka maganda ng nanay mo?! hahaha!
Kaaliw! Our mother talaga can be our best and worst critic 🙂
True yan B!
Thanks for the comments! 🙂
Legallymama, pati kami masisibak na sa trabaho sa kakablog haha!
This blog is my latest addiction. Shet. Pwede bang walang nagawang billables sa client for a day?! Sarap basahin ng blog nyo 🙂
negastars! si Baby A naman ang next victim ng negalola and negalolo!
Haha! Ang benta ng mga kwento pati si hubby natatawa 🙂
Proud parents sila, lalo na noong nasa law school ka, di lang obvious…;)