Mayaman Ako Part 2

Sa entry na “Mayaman Ako!” na-kwento ko sa inyo kung paano ako husgahan ng mga salespeople sa mga mamahaling tindahan at groceries tulad ng S&R, Marionnaud at Hermes. Sige, fine, tanggap ko yun. Maaaring hindi kasi ako naka-postura nang mga panahong yun or nagkataong di ako nakapag-make up o suklay. Ok lang na jinudge nila ang aking purchasing power based sa itsura o kasuotan ko. Gawain ko rin naman yun e. Ganyan na talaga ang karma, digital. 

Pero noong Dec. 23, pumunta akong DIVISORIA para mamili. Take note, DIVISORIA ha. So ano suot ko? Maayos naman kasi didiretso pa kong opisina e. 

Naghanap ako ng hardware dahil bibili ako ng spray paint para sa kinakarir kong giftwrappers. Nakakita naman ako. Sumalubong sa akin ang isang lalaking sing-laki ni Ike Lozada pero sing-kinis ni Jose Manalo. In short, makinis pa ang EDSA. Naka-sandong nanggigitata at pawisan. Pero di ko siya jinudge. Ano nga naman ieexpect ko? Model ng Bench ang magbebenta sa Divi? Siyempre hindi diba? Pero siya, jinudge niya ko.

 

 

P:

May spray paint po kayo?–

Jose:

Meron. Ano kulay?–

P:

Gold, silver at parang copper.–

Jose:

(Di niya ata alam ang copper kaya kumunot ang noo niya.)–

P:

Yung parang brown po na metallic. Brown na lang po. Meron kayo?–

Jose: 

(Nakakunot pa rin ang mukha niya… pero inabot niya sa’kin ang mga lata ng pinta)–

P:

E blue po, meron din kayo?

–Jose:

(Nagtataka siguro siya bakit ako nagpapanic-buying ng spraypaint. At dito na siya humirit…)

P198 ang isang lata niyang gold at silver ha! 

Tumagos hanggang buto ko ang judgment. P198 lang?! Mukha ba kong walang pambayad ng halagang dalawang daang piso?! T@r@nt@do ‘to ah!!! 

P: 

Bigyan mo ko ng tig-dadalawa niyan!

Yung gold, dalawa! Yung copper, dalawa!!! Yung silver, dalawa!!! Pati yang blue! Ano pa ba kulay mo dyan??! 

Mokong na ‘to! Di mo ba alam na I CAN BUY YOU, YOUR FRIENDS AND THIS HARDWARE?! Pero idodonate ko sa’yo ang semento para mapalitada na yang mukha mo! Imbey! 

Ok lang husgahan ng saleslady sa Hermes na nakapang-executive pa ang suot. Pero itsura nitong si Jose, utang na loob!!! Haaaay, pag-uwi ko tuloy, pinagtawanan ako ni Father Thunder. Bakit daw andami kong spray paint. Aanhin ko ba raw yun. Sabi ko, hinamon ako e. Di bale kako, di naman nag-eexpire yan. Bwiset talaga, libo rin nagastos ko dun sa hardware na yun ha. Sa halip na nai-shopping ko na lang sarili ko, kumita pa tuloy si buwitre. Hmph! 

‘Yun lang, just wanted to share…hehe 🙂

mayaman ako