Daddy-o’s Birthday Lunch

70^th Birthday ni Father Thunder last December 27. Big number. Dapat big celebration din. Tinanong namin si daddy kung gusto niya mag-party at mag-invite ng friends. Ayaw daw niya. Iniisip ko rin mag-organize ng bonggang surprise birthday celebration for him. Pero tama si kuya, “if we did it grand, we wouldn’t be 100% din.” Kasi nga naman…alam niyo na.

 

        So we had a simple, intimate but super bundat lunch at HOUSE OF WAGYU STONE GRILL at the 4^th Floor of Two E-Com Tower, near SM Mall of Asia.

 

 

        First time namin lahat dun. We decided to try the place since favorite to the highest performance level ni Father Thunder ang steak. Pagpasok namin ng restaurant, impressive ang interiors…

 

 

 

 

 

           Pati ang view impressive…

 —-

 

        Dapat lang dahil pati pala presyo dun IMPRESSIVE!!! For starters, Daddy-o had the Rockefeller Oysters. Kinompute namin at lumalabas, P50 per piece! Halos ka-presyo ng isang gallon ng talaba dito sa BaCav!!! (Note: Ang isang gallon ay isang malaking tabo/lata ng Nido) Di bale, nasarapan naman si Father.

 

 

 

 

Sumunod naman ang Cream of Carrot soup.

FYI, hindi ako kumakain ng gulay.

Pero dahil sa panghihinayang (at alam kong mahal) pinilit kong lunukin ang soup. In fairness, nagustuhan ko naman ang lasa. 🙂

 

 

Father Thunder ready for the MAIN EVENT…

 

ANG WAGYU STEAK!

 

 

Served on piping hot volcanic rock.

At may specific instructions sa pag-kain…

 

“Ma’am/Sir, I will be turning over your steak once. Let it sit for 1 minute.

Thereafter, you may enjoy your steak by slicing one bite-size piece at a time. This is in order to keep the steak’s juices sealed in for a longer period of time. Otherwise, it may dry out.”

 

        Nosebleed! Ang complicated pala kumain ng mamahaling steak. At kailangan ng malupit-lupit ng E.Q.!

—

 

Ang intense tuloy ng mukha ni Father Thunder at Kuyakoy!

 

 

Pero kung sarap at sarap lang naman ang pag-uusapan, wala akong masasabi. Sulit! Ngayon ko rin lang nalaman at napatunayan that the best way to enjoy fine steak is to eat it with plain rock salt. Dati kasi, ang akala ko kailangan may Lea & Perrins o A1 para certified soshal. Yun pala, rock salt lang ang kailangan.  ROCK SALT lang pala e!!! Andami kayang irasan sa kalapit-barangay namin!

 

        All in all, nag-enjoy at nabusog kami. Ang especially happy si Lolo Thunder spending his birthday with his apos ang the entire Familia Provinciated!

 

 

 

 

 

Maligayang bati ulit, Daddy-o!!!