Soshal Solution | English Only Please

First time namin mami-meet ang boyfriend ni Ms. Sophisticated na isang American-Mexican.

Natakot kami ni Provinciated. Kailangan mag-English!!! 

Ano ang puwedeng gawin? 

 

1. Bungad pa lang, humingi na ng Divine Intervention. 

S:      CJ, these are my very good friends P and D.

BF:   Good evening! How are you guys doing?

P:     Glory be to the Father, and to the Son and to the Holy Spirit…

D:     Amen.

 
 

2. Uminom ng alak

Dalawa lang ang puwedeng mangyari.

Una: Magkakalakas ka ng loob mag-Ingles. Keber kung mali mali ang grammar. 

Pangalawa: Mag-tatagalog ka pa rin pero puwedeng sabihin na di ka maka-Ingles kasi lasing ka.

 
 

 3. Sumubo ng madami 

Di ba ang sabi, don’t talk when your mouth is full?

 
 

 4. Sumaulo ng mga maiiksing sagot sa wikang Ingles 

Puwede rin dagdagan ng “you know” ang mga sagot para mejo humaba…

 
 

5. Humandang kumontra sa sinabi…

Mag-isip….

At sabihing…

“Oh, I agree!”

 
 

6. Habang lumalalim ang gabi, mas nahahalatang di ka masyado nagsasalita. Pero wag mag-alala. Two words lang ang pwedeng gawing sandigan… 

CJ:    You’ve been awfully quiet.

P:       TIRED. 

D:       SLEEP. 

 
 

Ang sabi nga naman ni Mareng Marian Rivera, hindi raw dapat gawing basehan ang husay sa pag-i-Ingles para ikonsiderang matalino ang isang tao. 

“Kapag hindi ka magaling mag-Ingles pero maprinsipyo ka sa buhay mo, kapag mahal kang anak, mabait kang kaibigan, ibig sabihin pa nu’n bobo ka?… Parang ang sakit lang isipin at sana maging malawak ang pag-iisip ng tao tungkol sa definition ng isang pagiging matalinong tao.  Kasi para sa akin, ang matalinong tao e marunong dumiskarte sa buhay,” (source:GMA Network) 

Diskarte sa buhay ang kailangan… diskarte sa pag-iwas mag-English ;-P