Tanders Love Advice

Nag-iinuman ang tatay ko at dalawa pang tanders-dabarkads niya sa terrace. Pinatawag ako. Akala ko naman may ikokonsultang kaso.

Tito 1: Naaalala mo dati, Camille, pinakita ko sa’yo picture ng pogi kong anak na nasa States. Tapos pagtingin mo, bigla mo kong tinawag na “Daddy!!!”

P: Hahaha! Oo nga po. (Sabay pa-cute na hawi sa hair sa future father-in-law ko.)

Tito1: May asawa na anak ko eh. Ito na nga picture ng apo ko. Ganda noh?

#Saklap

Tito 2: Yung kakilala tinatanong ka sakin, Camille. Gustong gusto ipakilala sayo yung anak niyang “Doctor of Medicine” (Oo, kailangan kumpletong “Doctor of Medicine”)

P: Ah talaga po, Tito?

Tito 2: Sige, sabihin ko sa kaibigan ko magpasked ka sa anak niya. Derma kasi.

P: Derma po???! Tito, baka naman po bading yan!

Tito 2: Hindi naman…siguro. Pero kung sakali, kaya mo naman siya mapagbago.

#TiwalaLang

Father: Kausap ko si Tito 2 kanina. Bukod dun sa derma, may isa pa raw gusto makipagkilala sayo. CPA lawyer naman.

P: Hala!

Father: Di ko alam paano gagawin sa ganyan eh. Gusto mo ba set tayo ng lunch or dinner? Tapos kasama kami ni Tito 2 mo para di awkward?

P: BWAHAHAHAHAHA!!! WALA NANG MAS AAWKWARD PA DUN, FATHER!!! AKO LANG ANG 35 – YEAR OLD NA BABAENG MAKIKIPAG-BLIND DATE KASAMA ANG TATAY!!!

#ThirdWheelLang

P: Father, si Sam Oh kilala mo? Sikat na radio DJ at host yun eh.

Father: O bakit?

P: Nagpa-freeze kasi siya ng eggs. Sabi ideal age daw na gawin yun hanggang 36 years old. 35 na ko. Pa-freeze na rin kaya ako?

Father: Ano’ng freeze freeze ang pinagsasasabi mo?! Tumigil ka, Camille. Yung asawa nga ni Abraham 90 years old nanganak pa eh. Ikaw 35 lang.

P: Pambihira naman, dad. Eh di pa nga buhay si Hesukristo nun eh!
#IpagpasaDiosNaLangNatinYanAnak